एपीजे अब्दुल कलाम सॅटेलाइट व्हेईकल मिशन 2023 तमिळनाडूच्या चेंगलपट्टू जिल्ह्यातील पट्टीपोलम गावात लाँच करण्यात आल्याने देशाच्या विविध भागांतील 2000 शालेय विद्यार्थ्यांचे स्वप्न रविवारी पूर्ण झाले. याअंतर्गत सोडण्यात आलेले 150 उपग्रह या विद्यार्थ्यांनी तयार केले आहेत. मार्टिन इंडियाने हे मिशन एपीजे अब्दुल कलाम इंटरनॅशनल फाऊंडेशन आणि स्पेस झोन इंडियाच्या सहकार्याने मुलांना अंतराळ विज्ञान क्षेत्रात प्रोत्साहन देण्यासाठी सुरू केले.या विद्यार्थ्यांना विज्ञान, तंत्रज्ञान, अभियांत्रिकी आणि गणित या विषयांबद्दल अधिकाधिक शिकण्याची संधी देण्यात आली. त्यांना व्हर्च्युअल क्लासेसद्वारे सॅटेलाइट तंत्रज्ञानाविषयी शिकवण्यात आले. 100 हून अधिक सरकारी शाळांमधील 2,000 विद्यार्थी या प्रकल्पाचा भाग होते. स्पेस झोन प्रायव्हेट लिमिटेडचे संस्थापक आणि मुख्य कार्यकारी अधिकारी डॉ. आनंद मेगलिंगम म्हणाले की, अंतराळ उद्योगात योगदान देताना त्यांना आनंद होत आहे. सॅटेलाइट टेक्नॉलॉजी, रॉकेट टेक्नॉलॉजी, ड्रोन टेक्नॉलॉजी आणि इतर संबंधित क्षेत्रातील व्यावसायिकांच्या आमच्या टीमने हे शक्य केले. डॉ. एपीजे अब्दुल कलाम यांचे नातू एपीजेएमजे शेख दाऊद आणि शेख सलीम यांनीही या प्रकल्पाचे कौतुक केले. यानिमित्ताने करिअरचे नवीन क्षेत्र खुले होणार आहे. मार्टिन फाऊंडेशन या तमिळनाडूमधील ना-नफा संस्थेने या प्रकल्पातील 85 टक्के निधी दिला आहे. सरकारी सूत्रांनी सांगितले की, हा प्रकल्प सरकारी शाळांमधील विद्यार्थ्यांना अंतराळ विज्ञानाचे प्रशिक्षण घेण्यासाठी आणि या क्षेत्रात करिअर करण्यासाठी एक व्यासपीठ प्रदान करेल.
No comments:
Post a Comment