वाहनांच्या गर्दीशिवाय मोठ्या शहरांची कल्पना करणे कठीण झाले आहे. परंतु, वाहतूक कोंडी आणि प्रदूषणाच्या समस्यांना भविष्यात शहरी वाहतुक भूतकाळात गाढेल, असा दावा केला जात आहे. सध्याचे संशोधन पाहता तो दिवस दूर नाही ,जेव्हा इलेक्ट्रिक फ्लाइंग टॅक्सीच्या आगमनाने प्रवासाचे विश्व बदलेल.अनेक कंपन्या इलेक्ट्रिक वर्टिकल टेक-ऑफ आणि लँडिंग (ईवीटीओएल- eVTOL) विमाने विकसित करत आहेत. ईवीटीओएल ला इलेक्ट्रिक एअर टॅक्सी देखील म्हणतात. फ्रान्स, जर्मनी, चीन, अमेरिका अशा अनेक देशांनी येत्या वर्षभरात एअर टॅक्सी सुरू करण्याची योजना आखली आहे.
भारतातील शहरांमध्येही शोधली आहे शक्यता-
देशातील अर्बन एयर मोबिलिटी (यूएएम) ची मागणी शहरी गर्दी, प्रादेशिक संपर्काचा अभाव आणि ई-कॉमर्सचा अवलंब यांच्याशी जोडली गेली आहे.मुंबई, बेंगळुरू, कोलकाता आणि दिल्ली येथे वाहतुकीमुळे भारतीय अर्थव्यवस्थेचे अंदाजे 1.44 ट्रिलियन रुपयांचे नुकसान होते. यामुळे देशात यूएएम ची अफाट शक्यता वाढते.भारत ईवीटीओएल (eVTOL) विमान उत्पादकांना आमंत्रित करण्याची शक्यता शोधत आहे. ईवीटीओएल साठी 162 संभाव्य मार्ग ओळखण्यात आले आहेत. या वर्षाच्या सुरुवातीला, बेंगळुरूमध्ये भारतीय बनावटीच्या इलेक्ट्रिक एअर टॅक्सीचा प्रोटोटाइप (नमुना) देखील सादर करण्यात आला होता.
ब्राझीलपासून ते इस्रायलपर्यंत अनेक देश शर्यतीत-
फ्रान्समध्ये, येत्या काळात दोन आसनी इलेक्ट्रिक प्लेन व्होलॉसिटी पॅरिसचा फेरफटका मारण्यासाठी घेऊन जाईल. ब्राझिलियन कंपनी एम्ब्रेर इलेक्ट्रिक फ्लाइंग टॅक्सी तयार करण्यासाठी साओ पाउलोजवळ एक नवीन कारखाना उभारणार आहे. 2026 पासून येथे फ्लाइंग टॅक्सी अवकाश भरारी घेण्याची शक्यता वर्तवली जात आहे. अमेरिका आणि चीन 2025 पर्यंत कमर्शियल फ्लाइंग (व्यावसायिक उड्डाण) टॅक्सी सुरू करण्याची योजना आखत आहेत. अलीकडेच, सुपर साइज्ड ड्रोनसारख्या दिसणाऱ्या या विमानांच्या शर्यतीत इस्रायलही सामील झाला आहे. इस्रायलने ऑटोनोम्स ड्रोनची चाचणी सुरू केली आहे, जे प्रवासी आणि माल वाहून नेण्यास सक्षम आहेत.
● ईवीटीओएल वरील जागतिक खर्च 2040 पर्यंत एक ट्रिलियन डॉलर्सपर्यंत पोहोचण्याचा अंदाज आहे
● यूएस पॅसेंजर ईवीटीओएल मार्केट 2025 पर्यंत 3.4 अब्ज डॉलर पर्यंत पोहोचण्याची अपेक्षा आहे
● ईवीटीओएल शी संबंधित सिलिकॉन व्हॅली स्टार्टअप कंपनी जॉबीने आपल्या गुंतवणूकदारांकडून 02 अब्ज डॉलर्स जमा केले आहेत.
या आव्हानांवर मात करायची आहे.
● येत्या वर्षभरात इलेक्ट्रिक फ्लाइंग टॅक्सीशी संबंधित सर्व स्टार्टअपना हे सिद्ध करावे लागेल की त्यांच्या विमानांसाठी जगात मोठी बाजारपेठ आहे.
● बॅटरी ही सर्वात मोठी समस्या आहे, ती महाग आणि जड असल्याने आणि या विमानांचे फायदे मर्यादित करू शकतात.
● व्यावसायिक ऑपरेशन सुरू करण्यापूर्वी, eVTOL ला व्यावसायिक विमानांप्रमाणेच प्रवाशांची सुरक्षा सुनिश्चित करावी लागेल.
एअर टॅक्सीचे फायदे-
● शहरात कुठेही उतरण्यास सक्षम
● विमानतळावरून वाहतुकीची सोय
● रुग्णांना वेळेवर रुग्णालयात नेण्यास उपयुक्त
● लष्करी उपकरणे दुर्गम ठिकाणी नेण्यासाठी उपयुक्त
● शोध आणि बचाव कार्यासाठी फायदेशीर
No comments:
Post a Comment