चार हजार लोकसंख्या असलेल्या गावात दोन हजारांहून अधिक यूट्यूबर

छत्तीसगडची राजधानी असलेल्या रायपूरपासून ६० किमी अंतरावर असलेल्या तुळशी नेवरा गावातील लोक आजकाल त्यांच्या कलेमुळे चर्चेत आहेत. या गावातील लोक वर्षानुवर्षे सण-उत्सवावर नाटक आणि रामलीला सादर करून आपली कला दाखवत आले आहेत.काही वर्षांपूर्वी गावातील दोन तरुणांनी व्हिडिओ बनवून यूट्यूबवर अपलोड करण्यास सुरुवात केली. त्यांच्या प्रेरणेने आता चार हजार लोकसंख्या असलेल्या या गावात दोन हजारांहून अधिक यूट्यूबर आहेत. छत्तीसगढ़ी, गोल्ड सीजी 04, गोल्ड डोस, फन टपरी, मिस्टर रँझो, हमर छत्तीसगढ, बॅक बेंचर्स क्रिएशन इत्यादी 40 हून अधिक यूट्यूब चॅनेल सर्वात प्रसिद्ध आहेत. 

एसबीआयचे माजी नेटवर्क अभियंता ज्ञानेंद्र शुक्ला आणि गावात कोचिंग इन्स्टिट्यूट चालवणारे जय वर्मा यांनी पहिल्यांदा सोशल मीडियावर व्हिडिओ अपलोड केला.या लोकांच्या सोयीसाठी 'हमर फ्लिक्स' नावाचा साऊंड प्रूफ स्टुडिओही गाव पंचायत अधिकारी देणार आहेत. या स्टुडिओमध्ये आधुनिक कॅमेरा, संगणक आणि इंटरनेट सुविधा असतील.  अलीकडेच अभिनेत्री स्वरा भास्करने गावातील सर्व कलाकारांसोबत 'मिसेस फलानी' शोचे शूटिंग केले आहे.

अवघ्या सहा वर्षांत गावात सुमारे दोन हजार लोक कलाकार झाले आहेत.  हे सर्व कलाकार यूट्यूब, फेसबुक, इन्स्टाग्राम या सोशल मीडिया प्लॅटफॉर्मवर व्हिडिओ अपलोड करून चांगली कमाई करत आहेत.  गावात आतापर्यंत 40 हून अधिक यूट्यूब चॅनेल आहेत, त्यापैकी अनेकांचे एक लाखाहून अधिक फॉलोअर्स आहेत.